Një nga kompanitë më të mëdha të naftës në botë ka parashikuar me saktësi në vitin 1970 se si ndryshimi i klimës do të shkaktonte rritjen e temperaturës globale, pretendohet nga studiuesit, raporton BBC-ja.
Hulumtimi privat i ExxonMobilit ka parashikuar se si djegia e karburanteve fosile do të ngrohte planetin, por këtë gjë e ka mohuar kompania publikisht.
Akademikët analizuan të dhënat në dokumentet e brendshme të kompanisë, ndërkaq ExxonMobili i ka mohuar akuzat.
“Kjo çështje është ngritur disa herë në vitet e fundit dhe, në secilin rast, përgjigja jonë është e njëjtë: ata që flasin për mënyrën se si “Exxon Knew” ka parashikuar, e kanë gabim në përfundimet e tyre”, ka thënë kompania për BBC-në.
Korporata si ExxonMobil, kanë përfituar miliarda nga shitja e lëndëve djegëse fosile që çlirojnë emetime, të cilat shkencëtarët, qeveritë dhe Organizata e Kombeve të Bashkuara thonë se shkaktojnë ngrohjen globale.
Shkencëtarët sugjerojnë se parashikimet e ExxonMobilit shpesh kanë dalë më të sakta se edhe gjetjet e NASA-s.
